Rømmesild

Jula nærmar seg med stormskritt, og med det også tida for å lage deilige glass med sild til jul. Det gjer eg kvart år. Det blir liksom ikkje jul utan sild lenger. Denne gongen har eg prøvd meg på rømmesild tilsatt grov sennep og peparrot. Smakar fantastisk!!

 

Rømmesild

Du treng:

8 kryddersild filetar,

1 beger seterrømme,

2 ss. sukker,

2 ss. finreven peparrot,

eller peparrot på tube.

1 ss. frisk sitronsaft,

1,5 ss. kvitvin (eddik),

2 ts. grov sennep,

1-2 raudlauk.

Slik gjer du:

Legg sildefiletane i mjølk i 30-60 minutt, tørk godt av dei.

Tørk godt av dei og skjer filetane i ca. 1-2 cm breie bitar på skrå. Skjer raudløk i tynne ringar.

Bland rømme, peparrot, sukker, sitronsaft, kvitvinseddik og sennep. Bland det heile saman og ha silda på glas. La stå kjølig over natta før du serverar, så smakane får setje seg.